Samarqandda 1 iyun kuni yana ommaviy yurish marafoni o‘tkaziladi
Xalqaro bolalarni himoya qilish kuni munosabati bilan tashkil etilayotgan bu galgi ommaviy yurish xayriya marafoni hisoblanadi. Ushbu tadbir davomida yig‘iladigan mablag‘ bemor va nogironligi bo‘lgan bolalarni davolash, ularga tibbiy-ijtimoiy yordam ko‘rsatishga sarflanadi.
Marafon 1 iyun, soat 7.00 da viloyat musiqali drama teatri oldidagi maydondan boshlanib, Bo‘stonsaroy, Mirzo Ulug‘bek ko‘chalari orqali “Dinamo” stadionigacha davom etadi.
Marafon chog‘ida ushbu ko‘chalarda transport vositalari qatnovi vaqtincha cheklanadi.
