SamDTI talabalari «Yil oliygohi - 2020» tanlovi g‘olibi bo‘ldi

Pandemiya sababli joriy qilingan karantin sharoitida talabalarning bilim olishga intilishini kuchaytirishga katta ahamiyat berilmoqda. Bunda zamonaviy axborot texnologiyalardan foydalanish juda qo‘l kelmoqda.

Joriy yilning 1-7 iyul kunlari respublikamiz oliy ta’lim muassasalari talabalari o‘rtasida «Yil oliygohi - 2020» tanlovining final bosqichi bo‘lib o‘tdi.

Oliygohlar jamoalari tanlovning final bosqichi - 7 turida Prezidentimiz tomonidan ilgari surilgan besh tashabbus yo‘nalishlari (musiqa, rassomlik, adabiyot, teatr va san’at, sport, kitobxonlik), “Mashhur insonni toping”, “Huquqiy savodxonlik” va “Zakovat” intellektual o‘yini kabi masalalarni qamrab olgan savol-javoblarda telegram kanali orqali bellashdi.

Yakunda Samarqand davlat tibbiyot instituti jamoasi respublikada faxrli 2-o‘rinni qo‘lga kiritdi.

Odilbek AHMEDOV.