SamDUda o‘tkazilgan aprobatsiya testlari natijalari ma’lum bo‘ldi
Mazkur test natijalari ma’lum bo‘ldi.
Samarqand davlat universiteti qoshidagi tayyorlov markazidan ma’lum qilishlaricha, aprobatsiya testida jami 305 kishi qatnashgan.
Imtihon rus va o‘zbek tillarida turli yo‘nalishlar bo‘yicha olindi. Abituriyentlar o‘z bilimlarini sinash imkoniga ega bo‘lishdi.
Ta’kidlash lozim, bu yilgi testlarda avvalgidek 36 tadan emas, balki 30 tadan savol 3 blokda berildi. Mutaxassislarning ta’kidlashicha, test savollari ilgarisidan soddaroq bo‘lgan.
Quyida o‘zbek guruhlari orasida yo‘nalishlar bo‘yicha qo‘lga kiritilgan eng yuqori ballarni keltiramiz:
Texnika yo‘nalishi – 156,6 ball
Ijtimoiy-gumanitar yo‘nalish – 149,5 ball
Tibbiyot yo‘nalishi – 140,4 ball
Iqtisodiyot yo‘nalishi – 139,5 ball
Ingliz filologiyasi yo‘nalishi – 134,9 ball
TATU yo‘nalishi – 123,4 ball
Pedagogika va psixologiya yo‘nalishi – 117 ball
O‘zbek filologiyasi yo‘nalishi – 112 ball
Kimyo-texnologiyasi yo‘nalishi– 111 ball
Geografiya yo‘nalishi – 90 ball
Eslatib o‘tamiz, joriy yilgi testlarda abituriyentlar uchala blokda maksimal 189 ball to‘plashlari mumkin.
Firdavs MELIBOYeV.
