Tolibon AQShdan Afg‘oniston davlat moliyaviy zaxiralarini ochishni talab qilmoqda
"Tolibon" AQSh ma’muriyatini mamlakat Markaziy banki zaxiralarini blokdan ochishni talab qilmoqda.
Afg‘oniston aktivlarini muzlatish hech qanday muammoni hal qilmaydi va Amerika xalqining talabi emas, shuning uchun Vashington zaxiralarni ochishi kerak, deyiladi Afg‘oniston tashqi ishlar vaziri vazifasini bajaruvchi Amirxon Muttakining AQSh Kongressiga yozgan ochiq xatida.
Uning ta’kidlashicha, rad etish mintaqada ommaviy migratsiya, ta’lim va sog‘liqni saqlash sohasidagi salbiy oqibatlarga olib kelishi mumkin. Oqibatda bolalar to‘yib ovqatlanmaydi, onalar tibbiy yordam yetishmasligidan vafot etadi, oddiy afg‘onlar ochlikdan o‘lmoqda va dori-darmonlarga ega emas. Bunda siyosiy yoki mantiqiy asos va Qo‘shma shtatlar obro‘siga putur yetkazish harakati yo‘q, deyiladi xatda.
Avgust oyi o‘rtalarida Tolibon hukumatga kelganidan so‘ng Afg‘onistonga ko‘rsatilayotgan yordamning katta qismi to‘xtatildi.
Ma’lumotlariga ko‘ra, Kobul har yili xorijiy donorlardan harbiy va fuqarolik yordami ko‘rinishida 8,5 milliard qabul qilgan. Ushbu mablag‘lar orqali davlat xarajatlarining 75 foizi qoplangan.
Bundan tashqari, asosan Amerika Qo‘shma Shtatlarida joylashgan mamlakat markaziy bankining to‘qson milliard dollarga yaqin zaxiralari muzlatilgan. Allaqachon darz ketgan mamlakat iqtisodiyoti o‘shandan buyon erkin qulash jarayonida. Xayriya tashkilotlari ma’lumotiga ko‘ra, mamlakat jiddiy gumanitar inqirozni boshidan kechirmoqda.
