Android qurilmalar uchun Zarnews.uz mobil ilovasi. Yuklab olish x

Toyloqlik fuqaro tabiatga ziyon keltirgani uchun jarimaga tortildi

30 aprel kuni Toyloq tuman ekologiya va atrof-muhitni muhofaza qilish inspeksiyasi davlat inspektorlari tomonidan tuman hududida reyd o‘tkazildi.

Reyd kuzatuvlari jarayonida “Tepaqishloq” mahallasida yashovchi fuqaro A.Z. har xil turdagi qattiq va maishiy chiqindilar va o‘simlik qoldiqlarini mahallaning belgilanmagan yeriga to‘plab, yoqib alanga oldirilganlik holati aniqlandi.

Viloyat ekologiya va atrof-muhitni muhofaza qilish boshqarmasi axborot xizmati xabariga ko‘ra, mazkur holat yuzasidan fuqaro A.Z.ga nisbatan Ma’muriy javobgarlik to‘g‘risidagi kodeksning 88-moddasi 3-qismiga binoan ma’muriy bayonnoma rasmiylashtirilib, 735 ming so‘m jarima belgilandi.