Ukraina davlat tuzilmalarida shov-shuvli iste’folar
Ukraina davlat tuzilmalarida: Prezident devoni, Mudofaa vazirligi va Bosh prokuraturada bir qator shov-shuvli iste’folar sodir bo‘ldi.
Ukraina prezidenti devoni rahbari o‘rinbosari Kirilo Timoshenko o‘z lavozimini tark etdi. Ishdan bo‘shash sabablari aytilmagan, ammo so‘nggi paytlarda jurnalistlarda unga, xususan, qimmatbaho mashinalardan foydalanishga oid savollar bo‘lgan.
Mudofaa vaziri o‘rinbosari Vyacheslav Shapovalov ham Ukraina Qurolli kuchlari uchun oziq-ovqat sotib olish bilan bog‘liq mojaro fonida iste’foga chiqdi.
Avvalroq prezident Vladimir Zelenskiy safarbarlik va harbiy holat davrida amaldorlar xorijga chiqa olmasligini aytgan edi.
Vladimir Zelenskiy:
"Ukraina Milliy xavfsizlik va mudofaa kengashi amaldorlarning xorijga chiqishi bo‘yicha fundamental qaror qabul qildi. Bu markaziy hukumatning barcha mansabdor shaxslari, mahalliy hukumatning turli darajalariga tegishli.
Taqiq huquq-tartibot idoralari xodimlari, xalq deputatlari, prokurorlar hamda davlat va davlat ishlarida ishlayotgan barcha shaxslarga taalluqlidir. Hozir dam olishni istasa, davlat xizmatidan tashqarida dam oladi. Endi amaldorlar xorijga dam olish yoki boshqa nodavlat maqsadlarda chiqa olmaydi”.
Bir necha kun avval huquq-tartibot idoralari byudjet mablag‘larini o‘zlashtirgan uyushgan jinoiy guruh faoliyatini to‘xtatib, taraqqiyot vaziri o‘rinbosari Vasiliy Lozinskiyni 400 ming dollar pora olayotgan vaqtida qo‘lga olingan edi. Amaldor 22 yanvar kuni ishdan bo‘shatilgan.
