Umra ziyorati uchun narxlar arzonlashdi
O‘zbekiston delegatsiyasi Saudiya Arabistonida haj va umra xizmatlari sifatini yanada yaxshilash, narxlarini arzonlashtirish, ziyoratchilar uchun bir qator qulayliklar yaratish maqsadida, Podshohlikdagi bir qator mutasaddi idoralar rahbarlari bilan muzokaralar olib borayotgani haqida xabar bergan edik.
Shu kabi muloqotlar natijasida umra xizmatlari narxini yanada arzonlashtirishga erishilgan. Bu haqda O‘zbekiston musulmonlari idorasi matbuot xizmati xabar berdi.
2024 yil 10 yanvardan e’tiboran O‘zbekiston musulmonlari idorasining «Haj va Umra» markazida umra xizmatlari narxi bir kishi uchun 16.600.000 so‘m etib belgilandi.
