Urgut tumani hokimi chegara hudud mahallasi yoshlari bilan uchrashdi
Urgut tumanining chegara oldi hududidagi Mirzabog‘lon-Chep mahallasida yosh avlodni ma’naviy barkamol inson etib tarbiyalash, bo‘sh vaqtini mazmunli o‘tkazishni tashkil etish, ularning san’at, sport, axborot texnologiyalari, kitob o‘qishga qiziqishini oshirish bo‘yicha davlatimiz rahbari tomonidan ilgari surilgan beshta muhim tashabbus yuzasidan tadbirlar uyushtirildi.
Tadbirlar doirasida “Hokim va yoshlar” uchrashuvi ham tashkil etilib, tuman hokimi M.Turdiyev o‘quvchi-yoshlar tomonidan bildirilgan murojaatlarni tingladi, ularni qiziqtirgan savollarga javob berdi. Uchrashuvda faollik ko‘rsatgan o‘quvchilarga kitoblar sovg‘a qilindi.
