Urgutlik sportchilarga viloyat hamda tuman hokimliklarining sovg‘alari topshirildi

Urgut tumanidagi istirohat bog‘ida "Yoshlar - kelajak bunyodkori!" shiori ostida yoshlar festivali bo‘lib o‘tdi.

Prezidentimiz tomonidan ilgari surilgan yoshlar ma’naviyatini yuksaltirish va ularning bo‘sh vaqtini mazmunli tashkil etish bo‘yicha 5 ta muhim tashabbus ijrosini ta’minlash maqsadida o‘tkazilgan festivalda viloyat hokimi o‘rinbosari R.Qobilov, tuman hokimi M.Turdiyev ishtirok etdi.

Festival tadbirlari doirasida 2018 yil Indoneziyaning Jakarta shahrida o‘tkazilgan Paraosiyo o‘yinlari g‘olibi O‘tkirjon Negmatov va  Vasila Aliboyevaga viloyat hokimining tashakkurnomasi hamda esdalik sovg‘alari topshirildi.

Tadbirga tumanning 4 mingdan ziyod o‘quvchi-yoshlari jalb etilib, respublika va xalqaro musobaqalarda muvaffaqiyatli qatnashgan sportchilar tuman hokimligining sovg‘alari bilan taqdirlandi.