Viloyat Kengashining yigirma to‘rtinchi sessiyasi 29 dekabr kuni o‘tkaziladi
Bu haqda xalq deputatlari Samarqand viloyati Kengashi raisi Sh.Negmatovning 2025 yil 26 dekabrda qabul qilgan "Xalq deputatlari viloyat Kengashining yettinchi chaqiriq, yigirma to‘rtinchi sessiyasini chaqirish to‘g‘risida"gi Farmoyishida ma’lum qilindi.
Sessiya kun tartibida quyidagi masalalar ko‘rib chiqiladi:
- Samarqand viloyatining 2026 yilgi mahalliy byudjetini tasdiqlash to‘g‘risida;
- xalq deputatlari Samarqand viloyati Kengashining 2024 yil 26 dekabrdagi “Samarqand viloyatining 2025 yilgi mahalliy byudjetini tasdiqlash to‘g‘risida”gi qaroriga o‘zgartirish kiritish to‘g‘risida;
- Samarqand viloyatining 2026 yilda jismoniy shaxslarning mol-mulk solig‘i bo‘yicha o‘rnatilgan soliq stavkalariga kamaytiruvchi va oshiruvchi koeffitsiyentlarni, mol-mulkni ijaraga beruvchi jismoniy va yuridik shaxslarning ijara to‘lovini eng kam stavkalarining oshiruvchi koeffitsiyentlarini va qishloq xo‘jaligiga mo‘ljallangan yerlar uchun belgilangan stavkaga kamaytiruvchi va oshiruvchi koeffitsiyentlarni tasdiqlash to‘g‘risida;
- o‘zboshimchalik bilan egallab olingan yer uchastkalari hamda ularda qurilgan binolar va inshootlarga bo‘lgan huquqlarni e’tirof etish to‘g‘risida;
- Samarqand viloyatini 2026 yilda kompleks ijtimoiy-iqtisodiy rivojlantirish dasturini tasdiqlash to‘g‘risida;
- Samarqand viloyatida “Zarbdor tajribasi” asosida sanoat, xizmat va qishloq xo‘jaligi sohalarida amalga oshiriladigan drayver loyihalar bo‘yicha takliflarni ko‘rib chiqish va ma’qullash haqida.
