Xitoy Yerni masofadan zondlash sun’iy yo‘ldoshini orbitaga olib chiqdi

Xitoy “Yaogan-33-02” Yerni masofadan zondlash sun’iy yo‘ldoshini orbitaga muvaffaqiyatli uchirdi, deb xabar berdi Xitoy Aerokosmik fan va texnologiya korporatsiyasi bugun, 3 sentyabr kuni.

“3 sentyabr, Pekin vaqti bilan soat 07:44 (Toshkent vaqti bilan 04:44) da "Chanchjen-4C" tashuvchisi Szyusyuan kosmodromidan muvaffaqiyatli uchirildi va «Yaogan-33-02» masofaviy zondlash sun’iy yo‘ldoshini mo‘ljallangan orbitaga olib chiqdi”, deyiladi korporatsiya xabarida.

Orbitaga chiqarilgan qurilma Shanxay kosmik texnologiyalar akademiyasi tomonidan ishlab chiqilgan. U birinchi navbatda resurslarni qidirish, qishloq xo‘jaligi yerlarining unumdorligini baholash, tabiiy ofatlar oldini olish va oqibatlarini bartaraf etishda qo‘llanilishi rejalashtirilgan.