Xorij voqealari qisqa xabarlarda: Rekord kattalikdagi ikkinchi «qora tuynuk» topildi. Yirik suv toshqinlari ortidan Dubay aeroportida o‘nlab reys kechiktirilgan
🔹 Gruziya prezidenti Salome Zurabishvili "Xorijiy agentlar to‘g‘risidagi qonunga" veto qo‘yishini ma’lum qildi.
🔹Qozog‘iston prezidenti Qosim-Jo‘mart To‘qayev mamlakatdagi yirik suv toshqinlari fonida hukumatga byudjet mablag‘larini tejash va yirik tadbirlarni o‘tkazishdan voz kechishni buyurdi.
🔹 Qo‘shma Shtatlar G7 davlatlari bilan Eronning raketa va dron dasturlariga qaratilgan sanksiyalarni kiritishi kutilmoqda.
🔹 Ukraina IIVga ko‘ra, Rossiyaning Chernigovga raketa hujumi oqibatida halok bo‘lganlar soni 13 nafarga yetgan, ular orasida 2 bola bor, 60 dan ortiq kishi jarohatlangan. Rossiya harbiylari Chernigovga uchta raketa zarbasi bergan.
🔹 Rossiya qo‘shinlari Tog‘li Qorabog‘dan olib chiqib ketilmoqda.
🔹 Amerikalik tadbirkor Ilon Mask AQShning amaldagi rahbariyati olib borayotgan migratsiya siyosatini aqldan ozish, deb atadi. Gap Nyu-Yorkdagi noqonuniy migrantlar mitingi haqida ketmoqda. Namoyishga minglab odamlar qo‘shilgan. Yangi kelganlar AQShda doimiy uy-joy va ishlash uchun ruxsatnoma talab qilib ko‘chalarga chiqqan.
🔹 Dubayda kuchli yomg‘ir tufayli dunyodagi eng yirik savdo markazlaridan biri suv ostida qoldi. BAA tijorat poytaxti o‘zining qisqa tarixida hech qachon bunaqasini ko‘rmagan. Dubay aeroportida 17 ta reys kechiktirilgan.
🔹 Ukraina Qurolli kuchlari Qrimdagi harbiy aerodromga hujum qildi
🔹 Eronning Isroilga uyushtirgan javob zarbasi uchun birinchi navbatda Isroil Bosh vaziri Benyamin Netanyahu javobgar. Bu haqda Turkiya prezidenti Rajab Toyyib Erdo‘g‘on xalqqa murojaatida aytgan. Netanyahu o‘zining siyosiy hayotini uzaytirish uchun o‘z fuqarolari va mintaqadagi barcha odamlar hayotini xavf ostiga qo‘ymoqda, degan u.
🔹 Xitoy 2027 yilgacha elektr stansiyalari uchun zaxira ko‘mir quvvatini yaratish rejasini ishlab chiqmoqda. Yiliga 4 milliard tonnadan ortiq ko‘mir yoqadigan mamlakat uchun zaxiralar unchalik katta bo‘lmasa-da, 2030 yilga borib 300 million tonna zaxira to‘plash ko‘zda tutilgan.
🔹 Yerga yaqin joyda rekord kattalikdagi ikkinchi qora tuynuk topildi. Bu Somon yo‘lida topilgan eng katta ob’yekt va bizning galaktikamizda Yerga eng yaqin ikkinchi qora tuynuk hisoblanadi.
