Xushnudbek Xudoyberdiyev O‘zA rahbariyatida ish boshladi

Xushnudbek Xudoyberdiyev O‘zbekiston Milliy axborot agentligi Bosh direktori o‘rinbosari lavozimiga tayinlandi. Bu haqda Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi ma’lum qildi:

➖ O‘zA bosh direktorining o‘rinbosari etib tayinlangan bloger va Mass-media fondi direktori Xushnudbekni yangi mas’uliyatli lavozim bilan tabriklayman. Birga juda samarali mehnat qildik. Ishonamanki, sizning harakatlaringiz bilan O‘zA yangi darajaga ko‘tariladi. Siz u tashkilotga haqiqiy yangi qon bo‘lib kirayotganingizga ishonaman. Yangilik qilish oson bo‘lmaydi, tayyor turing. Omad! - deb yozdi Komil Allamjonov rasmiy sahifasida.

Xushnud Xudoyberdiyev 2013 yildan buyon shu lavozimda ishlab kelgan Jumanazar Meliqulov o‘rnini egallagan.

Bunga qadar X.Xudoyberdiyev Milliy mass-mediani qo‘llab-quvvatlash va rivojlantirish jamoat fondi direktori sifatida ishlab kelayotgandi.