Yana bir rashk ortidan qotillik ro‘y berdi
20.05.2019 yil soat 02:30 larda G‘ijduvon tumani, Sho‘rcha mahallasida yashovchi fuqaro B.M. (1991 yilda tug‘ilgan) o‘zi yashab kelayotgan uyda turmush o‘rtog‘i Z.S.ni (1994 yilda tug‘ilgan) rashk oqibatida o‘rtalarida kelib chiqqan kelishmovchilik natijasida uning bo‘yin qismidan bo‘g‘ib, qasddan o‘ldirgan. Bu haqda Bosh prokuratura matbuot xizmati xabar bermoqda.
Mazkur holat yuzasidan shu kuni tuman prokuraturasi tomonidan B.M.ga nisbatan O‘zbekiston Respublikasi Jinoyat kodeksining 97-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda. B.M. tegishli protsessual tartibda ushlangan.
