Yangi kitob: "Tug‘yon"

Kattaqo‘rg‘onlik yosh ijodkor, shahar hokimligi axborot xizmati rahbari Jamshid Nosirovning ikkinchi kitobi chop etildi. “Tug‘yon” deb nomlangan ushbu kitob Toshkent shahridagi “Yangi asr avlodi” nashriyotida bosildi.

Kitobdan ijodkorning nasr va nazmdagi ijod mahsuli, jumladan, sog‘inch, muhabbat, Vatan, sadoqat va vafo, insoniy munosabatlar haqidagi she’rlari va maqolalari jamlangan.

Kitobni varaqlagan har bir kitobxon ijodkorning nazm va nasrdagi badiiy jihatdan yetuk ijod mahsulidan bahramand bo‘ladi. She’rlar va maqolalarni mutolaa qilish jarayonida Jamshid Nosirovni teran fikrli, keng dunyoqarashli, islohotlar mohiyatini anglab yetgan, jamiyatdagi mavjud muammolarga befarq bo‘lmagan ijodkor sifatida ko‘rish mumkin.

Ma’lumot o‘rnida: o‘tgan yili muallifning “Dunyom mening” deb nomlangan kitobi nashrdan chiqib, keng omma e’tiboriga havola qilingan edi.