Yaqinlarini o‘z saflariga a’zo bo‘lishga da’vat qilib, internet orqali audio va video materiallarni tarqatgan diniy-ekstremistik tashkiloti a’zolari qo‘lga olindi
Samarqand shahri va Samarqand tumanida istiqomat qiluvchi «Hizb ut-Tahrir» diniy-ekstremistik tashkiloti a’zolarining faoliyatiga chek quyildi.
Ma’lum qilinishicha, huquqni muhofaza qilish idoralari xodimlari tomonidan amalga oshirilgan tezkor tadbirlar davomida jinoiy guruh tashkilotchilari bo‘lgan G.S. va R.A. jinoiy sheriklariga “Hizb ut-Tahrir”ning “Islom nizomi” nomli kitobi va “Al-Va’y” jurnalidan foydalangan holda boshqalarga dars o‘tib, mamlakatimizda konstitutsion tuzumni ag‘darib tashlab, xalifalik davlatini tiklashga targ‘ib qilib kelishgani aniqlangan.
Shuningdek, G.S. va R.A. ota-onalari, yaqinlari va ko‘plab tanishlarini o‘z saflariga a’zo bo‘lishga da’vat qilib, internet orqali ekstremistik mazmundagi audio va video materiallarni tarqatgan.
Mazkur jinoiy guruhning faoliyati ayni paytda Polshada yashirinib kelayotgan “Hizb ut-Tahrir” diniy-ekstremistik tashkilotning g‘oyaviy yetakchilaridan biri bo‘lgan, O‘zbekistondagi va xorijdagi vatandoshlarimizni radikallashuviga hamda jinoyatchiga aynalib qolishlariga sababchi bo‘layotgan 1980 yilda Qirg‘izistonda tug‘ilgan, mazkur davlat fuqarosi, sodir etgan jinoyatlari uchun xalqaro qidiruvda bo‘lgan “Mahmud Abdulmo‘min” taxallusli Xoldorov Mahmudjon Abdumalikovich tomonidan boshqarilgan.
Viloyat IIB xabariga ko‘ra, hozirda ushbu shaxslarga nisbatan Jinoyat Kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
