Yil boshidagi 31-otishma: AQSh poytaxtida noma’lum shaxs o‘tkinchilarga qarata o‘t ochdi

NBC telekanali xabariga ko‘ra, Vashingtonda ro‘y bergan otishma natijasida bir kishi halok bo‘lgan, yana ikki kishi jarohatlangan.

Hodisa joyi yaqinidagi Xitoy restoranida o‘tirgan ayol olgan jarohatdan vafot etgan. Yelkasidan yaralangan 15 yoshli o‘smir javoban o‘q uzgan. Endi u litsenziyasiz to‘pponcha olib yurgani va qurol bilan bog‘liq boshqa jinoyatlar uchun javobgarlikka tortiladi. Yana bir kishi oyog‘idan yaralangan.

Hozirda politsiya jinoyatchini qidirmoqda.

Avvalroq tahlilchilar AQShda yil boshidan beri sodir bo‘lgan ommaviy otishmalar soni 30 taga yetganini ma’lum qilishgan edi. Gun Violence Archive ma’lumotlariga ko‘ra, Kaliforniyadagi yaqinda ro‘y bergan 30-otishmada olti kishi, jumladan, olti oylik chaqaloq halok bo‘lgan.