АҚШ грин-карта дастурини тўхтатишини эълон қилди
АҚШ грин-карта дастурини тўхтатмоқда, чунки Браун университетида содир этилган отишмада гумонланувчи мамлакатга айнан шу дастур орқали кирган. Бу ҳақда АҚШ ички хавфсизлик вазири Кристи Ноэм маълум қилди.
«АҚШ президенти Доналд Трампнинг кўрсатмасига биноан, мен USCISга (АҚШ фуқаролиги ва иммиграция хизмати) DV1 дастурларини дарҳол тўхтатишни буюраман, токи бу зарарли дастур туфайли америкаликларга яна зарар етказилмасин», деб ёзди у X ижтимоий тармоғидаги саҳифасида.
Кристи Ноэмнинг аниқлашича, Браун университетидаги отишмани амалга оширган Клаудио Мануэл Невеш Валенте 2017 йилда иммиграцион визалар хилма-хиллиги дастури орқали АҚШга кирган ва грин-карта олган.
