Булунғурдаги “Мароқанд сифат” МЧЖ 100 та оилани ҳомийликка олди
Президентимиз томонидан илгари сурилган “Саховат ва кўмак” умумхалқ ҳаракати булунғурлик саховатпеша тадбиркорларнинг эзгу ишларга қодир эканликларини кўрсатди. Эл-юрт ташвишига бефарқ бўлмаган тадбиркорлар ҳаракат иштирокчиси бўлиш учун тумандаги эҳтиёжманд оилаларга кўмак бермоқда.
Жумладан, “Мароқанд сифат” масъулияти чекланган жамияти томонидан 100 та оила ҳомийликка олиниб, мазкур оилаларга 1 миллион сўмдан ёрдам пули етказиб берилди.
Шунингдек, туман ҳокимлиги томонидан ташкил этилган “Саховат ва кўмак” марказий штаби томонидан ўтган икки кун давомида Меҳржон, Мирзо Улуғбек номли, Булунғур, Амир Темур номли, Мингчинор маҳаллаларидаги рўйхатга олинган оилаларга озиқ-овқат маҳсулотлари еказиб берилди.
