Шаҳрам Ғиёсов профессионал боксдаги 15-ғалабасига эришди

АҚШнинг Орландо шаҳрида бокс оқшоми ташкил этилди.

Унда ярим ўрта вазнда  (–66,6 кг) тоифасида профессионал боксчимиз Шаҳрам Ғиёсов (15-0, 9 КО) мексикалик Пабло Цезар Канёга (35-9-1, 25 КО) қарши рингга кўтарилди.

12 раундлик жанг 11-раундда муддатидан олдин якунланди, мексикалик боксчи Цезар Канё жароҳат олиб, жангни давом эттира олмади.

Ҳакамлар Ғиёсовнинг ғалабасини эътироф этди (109-99). 

Жангнинг учинчи раундида Шаҳрам рақибини нокдаун қилишга ҳам муваффақ бўлганди.

Бу ўзбекистонлик боксчининг профессионал фаолиятидаги 15-ғалабаси бўлди, шундан тўққизта жанг муддатидан олдин якунланган.

Шу тариқа, Ғиёсов ярим енгил (–66,67 кг) вазн тоифасида WBA чемпионлик камарига мажбурий даъвогарга айланди.