Туркиядаги контейнер порти икки кундан буён аланга ичида
Маҳаллий ОАВларга кўра, Туркиядаги Искендерун шаҳридаги портда ёнғин тун бўйи давом этган, айни пайтда ёнғинни ўчириш чоралари кўрилмоқда. Ёнғин сабаблари ҳозирча номаълум.
Ёнғинни ўчиришнинг иложи бўлмаётгани ва у кенгайиб бораётганини Искендерун портида хизмат кўрсатувчи ва унинг ҳудудида жойлашган логистика компанияси тасдиқлаган.
"Ёнғин давом этмоқда. У жуда катта. Контейнерлар ёнмоқда. Қанча ёнгани ва кейин нима бўлишини билмайман. Лекин зарар жуда катта деб айта оламан", - деган компания ходими агентликка.
