Turkiyadagi konteyner porti ikki kundan buyon alanga ichida
Mahalliy OAVlarga ko‘ra, Turkiyadagi Iskenderun shahridagi portda yong‘in tun bo‘yi davom etgan, ayni paytda yong‘inni o‘chirish choralari ko‘rilmoqda. Yong‘in sabablari hozircha noma’lum.
Yong‘inni o‘chirishning iloji bo‘lmayotgani va u kengayib borayotganini Iskenderun portida xizmat ko‘rsatuvchi va uning hududida joylashgan logistika kompaniyasi tasdiqlagan.
"Yong‘in davom etmoqda. U juda katta. Konteynerlar yonmoqda. Qancha yongani va keyin nima bo‘lishini bilmayman. Lekin zarar juda katta deb ayta olaman", - degan kompaniya xodimi agentlikka.
