25 августдан соғлиқни сақлаш тизимидаги коллеж ва техникумларга онлайн қабул бошланади

28 та тиббиёт коллежи ҳамда 47 та Абу Али ибн Сино номидаги Жамоат саломатлиги техникумларига қабул жараёни бошланмоқда. Ҳужжатлар 2020 йил 25 августдан 25 сентябрга қадар (25 сентябрь куни ҳам) онлайн қабул қилинади.

Тиббиёт коллежларида — тўлиқ умумий ўрта маълумотга эга бўлган шахслар  2 йил муддатга кундузги таълим шаклида,

техникумларда — тўлиқ умумий ўрта маълумотга эга бўлган шахслар 3 йил муддатга кундузги таълим шаклида таълим олишлари белгиланган.

Абитуриентлар ва уларнинг ота-оналарини қизиқтирган саволларига жавоб бериш учун:

☎️ Олий ва ўрта махсус таълим вазирлиги ва Касбий таълимни ривожлантириш ва мувофиқлаштириш ҳудудий бошқармалари ҳафтанинг душанба-шанба кунлари соат 9:00-18:00 гача ишлайдиган Call-марказ 20 августдан ўз фаолиятини бошлаши кўзда тутилган.