"Беш ташаббус олимпиадаси": Стритболчи хотин-қизлар Самарқандда беллашмоқда
Самарқанд шаҳридаги енгил атлетика ва ўйин турларига ихтисослаштирилган спорт мактабида “Беш ташаббус олимпиадаси”нинг хотин-қизлар ўртасида стритбол бўйича “Б” лига баҳслари бошланди.
Мусобақада республикамизнинг 14 ҳудудидан келган 210 нафар қатнашчи учта (16-21, 22-26, 27-30) ёш тоифасида қатнашмоқда.
Тадбирнинг очилиш маросимида Ёшлар сиёсати ва спорт вазирининг ўринбосари Дурдона Раҳимова иштирок этиб, хотин-қизларга муваффақият тилади.
Шундан сўнг уч ёш тоифасида баҳслар бошланди.
Мусобақада ҳар бир жамоада 5 нафардан иштирокчи ғолиблик учун беллашмоқда.
Баҳслар 20 июнга қадар давом этади.
