Самарқанд шаҳрида "Ёшлар сайли" байрам тадбири бўлиб ўтади

Бугун соат 19.00 дан бошлаб Самарқанд шаҳридаги "Мўъжиза" амфитеатрида 30 июнь - Ёшлар куни муносабати билан "Ёшлар сайли" тадбирлари бўлиб ўтади.

Ушбу тадбирлар доирасида вилоятимиздаги муваффақиятлари, ижтимоий фаоллиги ва истеъдоди билан тенгдошларига ўрнак бўлиб келаётган ёшларга "Мард ўғлон" давлат мукофоти топширилади. Ёшларнинг ижодий намуналари, ихтиролари, ҳунармандчилик маҳсулотлари кўргазмаси ташкил этилади.

Гала-концерт дастурида эса пойтахтлик ва самарқандлик таниқли санъаткорлар иштирок этади.

Сайтимизни кузатиб боринг, бу ҳақда батафсил маълумот берамиз.