Жо Байденнинг 100 куни
100 кун - бу ҳар қандай мамлакат раҳбари учун рамзий рақам, бугунги кунда бу сиёсий лексикада ишларнинг бошланиш даври сифатида тушунилади ва шу сабабли ҳукумат бошида бўлган даврида давлат ривожланишининг узоқ ва ўрта муддатли истиқболларини белгилаши мумкин.
Жо Байден АҚШ Конгрессининг иккала палатаси олдида нутқ сўзлади, атиги икки юз нафар қонунчилар шахсан иштирок этди, қолганлари президентнинг нутқини видеоалоқа орқали кузатиб борди. Ва мамлакат тарихида биринчи марта вице-президент ўрнини аёл Камала Харрис эгаллади.
"Биз қўлимиздан келганича ҳаракат қиламиз ва фуқароларимиз 1400 долларга чек олишади, бу америкаликларнинг 85 фоизига тааллуқли. Ушбу чекларнинг 160 миллиондан ортиғи аллақачон америкалик оилаларга йўл олган. Бу уларни қўллаб-қувватлайди, уларнинг ҳаётини енгиллаштиради", деди Жо Байден ўз нутқида.
Умуман олганда, Капитолий тепалигида тасдиқланган иқтисодий тадбирлар пакети тахминан 2 триллион долларни ташкил этади. Унда оилани қўллаб-қувватлаш чоралари кўзда тутилган.
"Фуқароларимиз энди ўз соғлиғи, яқинларига ёки болага ғамхўрлик қилиш билан иш орасида танлашга мажбур бўлмайди, улар 12 ҳафтагача тўланадиган бюллетен олиш имкониятига эга бўлади”, деди Жо Байден.
Америка раҳбарининг таъкидлашича, ушбу улкан режалардан ташқари, унинг маъмурияти янги иш ўринларини яратиш лойиҳасини тақдим этмоқчи. Бунда иқтисодий соҳаларни ривожлантириш зарурати атроф-муҳит ва иқлим ўзгаришига қарши кураш билан бевосита боғлиқ бўлади. Бунинг учун 2 триллион доллардан кўпроқ маблағ сарфланиши кутилмоқда, пул хазинага тушади, чунки солиқ қонунчилиги ўзгаради.
"Бу энергия ишлаб чиқариш ва истеъмол қилиш билан боғлиқ замонавий инфратузилма ва ушбу вазифани минглаб иш ўринлари яратмасдан ҳал қилиб бўлмайди. Иқтисодиётни экологик тизимга ўтказиш ва экологик тоза технология ҳар доим янги ишчиларга эҳтиёж сезадиган янги ишлаб чиқаришни яратишни англатишини тушуниш керак”, деди Жо Байден.
Нутқда, шунингдек, Америка президенти мамлакат хавфсизлиги учун тўғридан-тўғри таҳдидлардан бири деб ҳисоблаган экстремизмга, асосан ички экстремизмга, зикр этилган ирқчиликка қарши курашни кучайтириш масалаларига тўхталиб ўтди ва АҚШ ташқи сиёсатининг контурларини баён қилди.
