Канадада ёнғин: АҚШнинг бир неча шаҳарлари қуюқ туман билан қопланди

Канадада юз берган ўрмон ёнғинлари тутуни АҚШнинг шарқий штатларига етиб келиб, пойтахт Вашингтон ва Нью-Йорк каби бир қатор йирик шаҳарлар осмони қуюқ туман билан қопланди.

Ушбу ҳудудларда ҳаво нафас олиш учун носоғлом даражага етган. Йирик аэропортларда рейслар тўхтатилди, бейсбол лигаси ўйинлари қолдирилди ҳамда одамлардан кўчага чиқмаслик сўралди. Ташқарида эса пандемия давридаги ниқобларни тақиб юриш тавсия қилинмоқда.

Канада айни пайтда мамлакат бўйлаб давом этаётган 400 дан ортиқ ўрмон ёнғинларини тўхтатиш учун бошқа давлатлардан ёрдам сўрамоқда.