Мексика стадионда отишма туфайли тўрт киши вафот этди

Мексиканинг Морелос штати Куэрнавака шаҳридаги футбол стадионида бўлиб ўтган ҳаваскорлар ўйинида номаълум шахслар томошабинларга қарата ўқ отган, босқинчилик натижасида тўрт киши ҳалок бўлган ва уч киши жароҳатланди, дея хабар қилди маҳаллий ОАВ.

ОАВ маълумотларига кўра, қуролланган одамлар ўйин пайтида футбол майдонига кириб, трибуналарга қарата ўқ узишган. Сўнг машина ва мотоциклларда қочиб кетишган. Воқеа жойига етиб келган шифокорлар тўрт кишининг ҳалок бўлганини қайд этишди, яна уч киши касалхонага етказилган.

Маълум бўлишича, футбол стадиони жойлашган ҳудуд уюшган жиноятчилик майдонига айланган.