Россия ва АҚШ чегараси неча километр? Италияга хос қандай ажойиботларни биласиз? Канада ҳақида-чи?
🔹 Россия ва АҚШ ўртасидаги масофа 4 километр эканлигини жуда кам одам билади. Россиядан Американинг 49-штатигача бўлган масофа (Аляска) Беринг бўғозининг кенглиги (86 километр) деб айтишади, бироқ бундай эмас.
1867 йилдаги Аляска ва Алеут оролларини сотиш тўғрисидаги битимига мувофиқ мамлакатлар ўртасидаги чегара икки - Россиянинг Ратманов ва Американинг Крузенштерн ороллари ўртасидан ўтади. Оролларнинг бошқа номлари Диомида, каттаси Россияга, кичиги эса АҚШга тегишли.
Ушбу ороллар ўртасида нафақат давлат чегаралари, балки халқаро сана ўзгариши линияси ҳам ўтади.
🔹 Италия Ернинг 0,5 фоизини эгаллайди. Инсониятнинг 0,83 фоизи Италияда истиқомат қилади. Нодир биоклиматик шароитлари туфайли бу яриморол биохилма-хиллик бўйича дунёда биринчи ўринда туради. Бу ерда 7 000 турдаги сабзавот, 58 000 турдаги ҳайвонот, 1800 узум нави, олманинг 997 тури (бутун дунёда 1227 олма тури бор), буғдойнинг 140 тури етиштирилади.
Италия бадиий ва инсоний мероснинг 70 фоизига эгалик қилади, қолган 30 фоизи бутун сайёра бўйлаб тарқалган.
🔹 Канада ҳиндча сўз бўлиб “катта қишлоқ” деб таржима қилинади. Канада фаровонлиги юқори даражада ривожланган давлатлардан бири ҳисоблангани боис, бу номланиш унга мос келмайди.
Канадада 2 миллиондан ортиқ катта ва кичик кўллар тўпланган бўлиб, уларда дунёдаги тоза ичимлик сувининг 20 фоизга яқини жойлашган. Кўллар шу қадар кўпки, уларнинг сони тўғрисида аниқ маълумотлар йўқ.
🔹 Непал байроғи тўртбурчак ёки тўғрибурчак бўлмаган ягона мамлакат.
🔹 Хитой ер юзидаги энг динсиз мамлакатдир. Америкадаги Gallup жамоатчилик фикри институти томонидан 2015 йилда ўтказилган сўровнома мамлакатнинг 90 фоиз аҳолиси қатъий атеистлар ёки динсиз бўлганликларини кўрсатди.
🔹 Дунёнинг деярли 200 мамлакати тарихи таҳлили шуни кўрсатдики, турли йилларда инглизлар бостириб кирмаган атиги 22 та давлат мавжуд.
Инглизлар томонидан босиб олинмаган давлатлар: Андорра, Беларусь, Боливия, Бурунди, Марказий Африка республикаси, Чад, Конго, Гватемала, Кот-д Ивуар, Қирғизистон, Лихтенштейн, Люксембург, Мали, Маршалл ороллари, Монако, Монголия, Парагвай, Сан-Томе ва Принсипи, Швеция, Тожикистон, Ўзбекистон, Ватикан.
Баҳора Муҳаммадиева тайёрлади.
