Самарқандда Асосий олимпиаданинг вилоят босқичи бўлиб ўтмоқда

Фан олимпиадаси Самарқанд шаҳрининг 82-умумий ўрта таълим масканида ташкил этилди.

Унда биринчи гуруҳ, яъни математика, физика, кимё, биология, информатика фанларидан 9-11-синф ўқувчилари ўз билимларини синовдан ўтказмоқда.

Шунингдек, 1-3 декабрь кунлари иккинчи гуруҳ фанларидан фан олимпиадасининг вилоят босқичи бўлиб ўтади.

Асосий олимпиаданинг вилоят босқичида туман (шаҳар) босқичида ғолиб бўлган 2 841 нафар ўқувчи қатнашади.

Шаффофликни таъминлаш мақсадида олимпиада жараёнларини вилоят мактабгача ва мактаб таълими бошқармасининг ижтимоий тармоқлардаги расмий саҳифаси орқали онлайн кузатиш имкони берилган.