Савдо уруши: Хитой Трампга энергия тарифлари билан жавоб беради. Шимолий Корея қўшинларини Россиядан олиб чиқди
🔹 Хитой бир қатор Америка товарларига жавоб тарифлари ўрнатиши ва Google интернет гиганти устидан монополияга қарши текширув ўтказилишини маълум қилди. Бу баёнот АҚШ президенти Доналд Трампнинг Хитой товарларига қўйган 10 фоизлик бож кучга кириши биланоқ пайдо бўлди. Хитой Савдо вазирлиги АҚШнинг кўмир ва суюлтирилган газига 15 фоизлик божлар, шунингдек, нефт, қишлоқ хўжалиги техникаси ва йирик транспорт воситаларига 10 фоизлик божлар жорий этмоқчи. Хитойнинг жавоб чоралари 10 февралдан кучга киради.
🔹 НАТОнинг собиқ бош котиби Йенс Столтенберг Норвегиянинг янги молия вазири бўлди. Столтенберг икки марта Норвегиянинг собиқ бош вазири бўлган ва 2014 йилдан 2024 йилгача НАТО Бош котиби лавозимида ишлаган.
🔹 Шимолий Корея қўшинлари Россиянинг Курск вилоятидан олиб чиқиб кетилгани ва жанговар ҳаракатларни тўхтатгани айтилмоқда. Ўтган йилнинг октябрида Шимолий Корея бир неча минг аскарларини Россияга жўнатгани ҳақида хабар берилди. Кейинчалик Шимолий Корея минглаб аскарларини йўқотгани айтилди.
🔹 Украина ҳарбий ёрдам эвазига АҚШга ноёб қазилма рудаларини беришни кўриб чиқмоқда. Аввалроқ Доналд Трамп АҚШ ҳарбий ёрдам эвазига Украинадан шундай жавоб олмоқчи эканини айтганди.
🔹 Франция президенти Эммануэль Макрон мамлакатда давлат тўнтаришига тайёргарлик кўрмоқда. Франциянинг “Патриотлар” партияси етакчиси Флориан Филиппотнинг маълум қилишича, Ричард Ферраннинг Франция Конституциявий кенгаши раҳбари этиб тайинланиши, агар қонуний чегара бўлмаса, Макронга учинчи президентлик муддатига номзодини қўйиш имкониятини беради. Унинг таъкидлашича, бу тайинланиш тасодифий эмас, балки давлат тўнтаришига тайёргарлик кўриш эҳтимолидан далолат.
🔹 Германияда россиялик олигарх Алишер Усмоновга тегишли вилла сотувга қўйилди. Бунга унинг оффшор компаниясининг санкциялар туфайли катта қарзлари сабаб бўлган. Бавариядаги Тегернзее кўли қирғоғида жойлашган уй замонавий Германиядаги энг қиммат мулкка айланди. Унинг нархи 25 миллион еврони ташкил қилган.
🔹 Ҳиндистон рупияси ва турк лираси АҚШда Канада, Мексика ва Хитойга импорт божлари эълон қилиниши ортидан тарихдаги энг паст даражага етди.
🔹 Эронлик олимларнинг махфий гуруҳи ядро ёқилғиси захираларини бир йил ёки ундан кўпроқ эмас, балки бир неча ой ичида қуролга айлантириш устида ишламоқда. 4-5 та ядро каллакларини яратиш учун 60 фоизгача бойитилган уран етарли бўлса, 90 фоиз бойитиш даражасига эришиш учун бир неча кун керак бўлади.
