Тошқинларнинг олдини олиш мақсадида Чуқур йўл кўчасининг 1400 метр ер ости қисмига қувурлар ётқизилади

Самарқанд шаҳридаги Чуқур йўл кўчасини тўлиқ таъмирлаш ва у ерда юзага келадиган сув тошқинларининг олдини олиш мақсадида ишлар бошланди.

Кўча таъмири жараёнида 1400 метр масофадаги ер остидан диаметри 1600 миллиметрлик темирбетон қувурлари ётқизилади. Лойиҳа қиймати 7 миллиард сўм атрофида бўлган мазкур қурилиш-таъмирлаш ишларини йил якунига қадар якунлаш режалаштирилган.

Самарқанд шаҳар ҳокимлиги ахборот хизмати.