AQShning 5 shtatida favqulodda holat e’lon qilindi
AQShning Kentukki, Virjiniya, Kanzas, Arkanzas va Missuri shtatlarida kuchli qor, yomg‘ir, yaxmalak va bo‘ron sabab favqulodda holat e’lon qilindi.
Ob-havo sharoiti taxminan 62 million kishiga ta’sir qilishi kutilmoqda.
Keskin ob-havo sharoiti tufayli 4000 ga yaqin aviareys bekor qilingan yoki boshqa vaqtga ko‘chirilgan. Ayrim poyezd qatnovlari ham bekor qilingan.
AQShning Okean va atmosfera tadqiqotlari milliy boshqarmasi ma’lumotlariga ko‘ra, mamlakatda so‘nggi 10 yildagi eng kuchli qor yog‘ishi kutilmoqda.
