Bosh vazirning Tadbirkorlar murojaatlarini ko‘rib chiqish qabulxonalariga yangi rahbarlar tayinlandi

Vazirlar Mahkamasining 2020 yil 3 fevraldagi farmoyishiga muvofiq viloyatlar, Toshkent shahri va tumanlardagi O‘zbekiston Respublikasi Bosh vazirining Tadbirkorlar murojaatlarini ko‘rib chiqish qabulxonalarida bir qator kadrlar o‘zgarishlari yuz berdi.

Xususan, quyidagi tayinlovlar amalga oshirilgan:

Sohibjon Pardayev — Samarqand viloyatidagi O‘zbekiston Respublikasi Bosh vazirining Tadbirkorlar murojaatlarini ko‘rib chiqish qabulxonasi mudiri vazifasini bajaruvchi;

Ulug‘bek Choriyev — Surxondaryo viloyatining Sherobod tumanidagi qabulxona mudiri vazifasini bajaruvchi etib tayinlangan.

Shuningdek, joylardagi Bosh vazirining Tadbirkorlar murojaatlarini ko‘rib chiqish qabulxonalarining quyidagi mutasaddilari o‘z arizalariga muvofiq, egallab turgan vazifalaridan ozod etilgan:

Qahramon Abilov — Toshkent viloyatidagi qabulxona mudiri vazifasini bajaruvchi;

Dilmurod Tursunov — Surxondaryo viloyati Denov tumanidagi qabulxona mudiri vazifasini bajaruvchi;

Ahliyor Bahriddinov — Farg‘ona viloyati Quvasoy shahridagi qabulxona mudiri vazifasini bajaruvchi;

Zokir Mirzaulug‘ov — Toshkent shahar Uchtepa tumanidagi qabulxona mudiri vazifasini bajaruvchi;

Bundan tashqari, Surxondaryo viloyatidagi, Qashqadaryo viloyatining Qarshi, Navoiy viloyatining Tomdi tumanlaridagi, Farg‘ona viloyatining Marg‘ilon shahri, Quva, Oltiariq tumanlaridagi qabulxonalar bosh va yetakchi mutaxassislari ham o‘z vazifalaridan ozod etilgan.

O‘zA.