Bulung‘ur tumanida aholi uchun 20 turdagi tor soha mutaxassislari ishtirokida chuqurlashtirilgan tibbiy ko‘rik o‘tkazildi
Tibbiy ko‘rikka viloyat va Respublika ixtisoslashtirilgan tibbiyot muassasalarining Samarqand viloyati filiallarida faoliyat yuritayotgan shifokorlar, maxsus tibbiy uskunalar bilan jalb qilindi.
3000 nafardan ziyod tuman fuqarolari tibbiy tekshiruvlardan o‘tdi.
Shuningdek, tadbir doirasida sog‘ligi va imkoniyati tufayli tibbiy ko‘rikka kelolmagan bir guruh fuqarolarning xonadonlariga borilib, sayyor tibbiy ko‘riklar tashkil etildi.
Bundan tashqari, tuman tibbiyot birlashmasida viloyatning malakali shifokorlari ishtirokida yuqori texnologiyali jarrohlik amaliyotlari o‘tkazildi, deya xabar bermoqda viloyat SSB axborot xizmati.
