Chevrolet Tahoe, Traverse, Trailblazer va Equinox avtomobillarining narxi qancha?
25 dekabr kuni Toshkentda SUV segmentiga mansub Chevrolet Tahoe, Traverse, Trailblazer va Equinox yangi avtomobillarining taqdimoti bo‘lib o‘tgani haqida xabar bergan edik. Yangi modellar premium sinfga mansub avtomobillarning segmentini to‘ldirdi.
Trailblazer va Equinox avtomobillari uchun shartnoma tuzish UzAuto Motors dilerlik markazlarida bugundan boshlanadi. Bu haqda UzAuto Motors ma’lum qildi.
Tahoe va Traverse modellariga shartnomalarni faqat Nurafshon Autocentre (Toshkent viloyati) avtosalonidan olish mumkin.
UzAuto Motors mahsulotlari savdosi amaliyotidan ma’lumki, yurtimizdagi iste’molchilar biznes-sinfiga mansub avtomobillarni xarid qilayotganda to‘liq komplektatsiyani afzal ko‘radi. Bunga dalil sifatida - Malibu Turbo 2.0 LTZ hamda Tracker LTZ avtomobillarini keltirish mumkin. Shularni inobatga olgan holda Chevrolet Tahoe, Traverse, Trailblazer va Equinox avtomobillari mahalliy bozorda faqat to‘liq komplektatsiyada taklif qilinadi.
Oddiyroq komplektatsiyadagi avtomobilni xarid qilishni istaganlar dilerga buyurtma qoldirishi yoki info@uzautomotors.com yuborishi mumkin. Zarur miqdorda buyurtma yig‘ilganidan so‘ng kompaniya ushbu avtomobillarni xaridorlarga yetkazadi.
Avtomobil narxlari:
EQUINOX
Boshlang‘ich narxi: 225 652 174 so‘mdan
Redline LT komplektatsiyasi: 303 478 261 so‘m
TRAILBLAZER
Boshlang‘ich narxi: 264 347 826 so‘mdan
LTZ komplektatsiyasi: 346 086 957 so‘m
TRAVERSE
Boshlang‘ich narxi: 404 173 913 so‘mdan
Premier komplektatsiyasi: 518 260 870 so‘m
TAHOE
Boshlang‘ich narxi: 517 391 304 so‘mdan
Premier komplektatsiyasi: 691 304 348 so‘m
*Narxlar QQSsiz ko‘rsatilgan.
