Dubayda biznes vakillari uchun yirik xalqaro ko‘rgazma bo‘lib o‘tdi. Ishtirokchilar orasida kattaqo‘rg‘onlik tadbirkorlar ham bor
“Dubai World Trade Centre” — Dubaydagi eng yirik ixtisoslashtirilgan ko‘rgazma majmuasidir. Unda har yili 185 mamlakatdan 50 000 ishtirokchi va 3 milliondan ortiq tashrif buyuruvchilar jalb qiladigan turli xil tadbirlarni o‘tkaziladi.
Kattaqo‘rg‘on tuman hokimligi axborot xizmatiga ko‘ra, ko‘rgazmada Kattaqo‘rg‘on tumanida faoliyat ko‘rsatayotgan “Fayz Bashirbek Yuksalish” MChJ rahbari Nodirbek Saparov ham ishtirok etmoqda.
Tadbirkor Nodirbek Saparov bir qator arab davlatlari va Hindistonlik korxonalar bilan 2 million dollarlik quruq mevalar hamda dukkakli don mahsulotlari uchun shartnoma imzolagan. Bundan tashqari ko‘rgazmada Kattaqo‘rg‘on tumanidagi "Kumush tola" xususiy korxonasi ham ishtirok etgan.
