Elektr va tabiiy gaz bo‘yicha qarzdorlarning 2,8 mlrd. so‘mlik mol-mulklari elektron savdoga chiqarilmoqda
Majburiy ijro byurosi Samarqand viloyati boshqarmasi va uning hududiy bo‘limlari tomonidan energiya resurslari sohasida qarzdorliklarni undirish bo‘yicha bir qator ishlar amalga oshirilmoqda.
Xususan, joriy yilning utgan davrida hududiy elektr tarmoqlari korxonalari foydasiga 280 ta ijro hujjati bo‘yicha 5 mlrd. 130 mln. so‘m hamda “Hududgaz” korxonalari foydasiga 200 ta 4 mlrd. 609 mln. so‘m qarzdorlik amalda undirildi.
Shuningdek, amalga oshirilgan ijro harakatlari davomida qarzdorlardan 5 mlrd. 900 mln. so‘mlik mol-mulklar qarzdorlik evaziga xatlovga olinib, bugungi kunga qadar 2 mlrd. 836 mln. so‘mlik mulklarni elektron onlayn savdolariga chiqarish choralari ko‘rilmoqda.
