Endi COVID-19 bo‘yicha test natijalarini Telegram-bot orqali olish mumkin

29.10.2020 21:37
201
COVID-19

Pandemiya e’lon qilingandan so‘ng, Sog‘liqni saqlash vazirligining AKTni rivojlantirish (ITMed) markazi xodimlari koronavirus bo‘yicha PZR testlar natijalari bo‘yicha statistik ma’lumotlarni yig‘ish va umumlashtirishga xizmat qiladigan coronavirus-test.uz axborot tizimini joriy etgan edi.

Bundan avval, koronavirusga PZR test topshirganlar bir necha kundan keyin laboratoriyadan test natijalarini olish uchun shaxsan o‘zi kelishi talab etilardi. Bu holat laboratoriyalarda odamlarning tirbandliklarini yuzaga keltirardi, laboratoriyalarning o‘zi esa natijalarni chop etish va bemorlarga yetkazish uchun uzoq davom etadigan jarayonni boshdan kechirardi.

Yuqoridagi jarayonlarni soddalashtirish va bemorlar tomonidan COVID-19 uchun PZR test natijalarini tezda olishini ta’minlash maqsadida @coronavirustest_testingbot maxsus Telegram-bot yaratildi, deb xabar berdi Sog‘liqni saqlash vazirligi matbuot xizmati.

Endi, COVID-19ga PZR test topshirgan fuqarolar uylaridan chiqmagan holda test natijalarini bilib olishlari va test natijalari aks etgan rasmiy blankni masofadan turib yuklab olishlari mumkin.

Buning uchun @coronavirustest_testingbot Telegram-botiga kirish va namuna topshiruvchining pasport ma’lumotlarini AB1234567 formatida botga yuborish talab qilinadi. So‘ng KUN.OY.YIL formatida tug‘ilgan yili va sanasini kiritadi. Telegram-bot PZR test natijasini ("manfiy" yoki "musbat") aks ettiradi va rasmiy shakl (blank)ni yuklab olish va chop etish mumkin bo‘lgan havolani taqdim etadi.

COVID-19ga PZR test natijalarini tasdiqlash uchun berilgan ushbu rasmiy shaklda, elektron tarzda o‘qiladigan QR-kod mavjud bo‘lib, u COVID-19 uchun PZR test natijalari taqdim etish zarur bo‘lgan joylardan (masalan, aeroportlarda) o‘tishni ancha tezlashtiradi.

Hozirda koronavirus-test.uz axborot tizimiga quyidagi 40 ta laboratoriya ulangan bo‘lib, ularda COVID-19ni aniqlash uchun topshirilgan PZR testlari natijalarini @coronavirustest_testingbot Telegram-boti orqali bilish mumkin:

- Respublika ixtisoslashtirilgan kardiologiya ilmiy-amaliy tibbiyot markazi;
- Respublika virusologiya ilmiy tekshirish instituti;
- Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazi;
- Sirdaryo viloyati SEO va JSX;
- Xorazm viloyati SEO va JSX;
- Buxoro viloyati SEO va JSX;
- Jizzax viloyati SEO va JSX;
- Toshkent viloyati SEO va JSX;
- Andijon viloyati SEO va JSX;
- Surxondaryo viloyati SEO va JSX;
- Navoi viloyati SEO va JSX;
- Qoraqalpog‘iston Respublikasi SEO va JSX ;
- Toshkent shahri OITSga qarshi kurashish markazi;
- Buxoro viloyati OITSga qarshi kurashish markazi;
- Respublika Innovatsion texnologiyalar vazirligi huzuridagi ilg‘or texnologiyalar markazi;
- “O‘zbekiston temir yo‘llari” AJ markaziy poliklinikasi;
- “Hi Tech Laboratories”;
- “Vitros Diagnostics”;
- “The Free-Joy Medical Laboratory”;
- “Doctor-Di Gospital”;
- “Repro Test”;
- “Sog‘lom tabassum”;
- “Intermed Innovation";
- “Biotest Medical”;
- “Biogen Med”;
- “Defactum Laboratories”;
- “Eurolab”;
- “Genotexnologiya”;
- “Gamma Med Clinic”;
- “Fergana Primus Diagnostic Innovation Med”;
- “Jacksoft Medical Diagnostics Services”;
- “Medical Centre” (Nukus);
- “Parizoda Medical Service”;
- “Tibbiyot dunyosi”;
- “Hana Itc”;
- “Alfa Diagnostic”;
- “Samarqand tibbiyot diagnostika”;
- “Gemo-Test”;
- “Assalom laboratoriya diagnostika markazi”;
- “Ideal Diagnostic”.