Eron TIV vaziyat nazoratda ekani, internet tiklanishini aytmoqda, AQSh yangi zarbalar berishi mumkin

Eron Tashqi ishlar vaziri Abbas Aragchi mamlakatdagi vaziyat to‘liq nazorat ostida ekanini va aholi uchun internet aloqa tez orada tiklanishini ma’lum qildi.

Eslatib o‘tamiz, mamlakatda 88 soatdan beri internet o‘chirilgan.

Aragchi Tehronda xorij diplomatlari bilan uchrashuvda shunday dedi. Eron davlat televideniyesi uchrashuvdan translyasiya olib borgan. Vazirning aytishicha, internet aloqa «tez orada xavfsizlik xizmatlari bilan muvofiqlashtirilgan holda tiklanadi».

Abbas Aragchiga ko‘ra, 28 dekabrdan boshlangan norozilik namoyishlari dastlab uch kun davomida tinch tarzda o‘tdi va ko‘pchiligi savdogarlardan iborat bo‘lgan.

«Bu davrda namoyishchilar o‘z qonuniy talablarini tinch yo‘l bilan bildirishdi va noroziliklarini ifodalashdi. Birinchi uch kun davomida hukumat va namoyishchilar o‘rtasida dialog bo‘ldi va namoyishlar deyarli tugadi», dedi vazir.

U shundan so‘ng namoyishlarga «qurolli terroristlar» qo‘shilganini va buning oqibatida namoyishlar «tinch namoyishlardan qo‘zg‘olonga aylanganini» ta’kidladi.

Shu bilan birga, inson huquqlari tashkilotlari katta halokatlar va ommaviy hibslarni (10 600 dan ortiq kishi) xabar qilishmoqda. HRANA ma’lumotlariga ko‘ra, namoyishlar boshlanganidan buyon kamida 538 kishi qurbon bo‘lgan: 490 namoyishchi va 48 qo‘shin xodimi. Haqiqiy qurbonlar soni mingdan ortiq bo‘lishi mumkin, lekin internet va aloqa cheklangani uchun bu raqamni tasdiqlashning imkoni bo‘lmagan.

Bu orada CNN reportyorining Eron tahdidlarini qabul qilish haqida bergan savoliga Tramp «Men qiladi deb o‘ylayman. Siz nima deysiz, CNN», deya javob berdi. AQSh prezidentidan Eronga Starlink yuborish haqida so‘ralganda, bunday variant ko‘rib chiqilayotganini bildirdi.

AQSh prezidenti Donald Trampga Eron oldin belgilagan «qizil chizma»ni, ya’ni namoyishchilarni o‘ldirishni cheklovchi chegarani buzdimi, degan savol berilganda shunday javob berdi: «Ko‘rinishidan, ular bunga kirisha boshladi», dedi u. «Biz bunga o‘ta jiddiy qaraymiz. Qurolli kuchlar vaziyatni o‘rganmoqda va biz bir necha juda qat’iy variantlarni ko‘rib chiqyapmiz. Qaror qabul qilamiz», dedi Tramp. So‘nggi ma’lumotlarga ko‘ra, shu kunlarda Trampga Eronga, jumladan Tehrondagi harbiy ob’yekt bo‘lmagan hududlariga yangi harbiy zarbalar berishning bir nechta varianti taqdim qilingan.

G.Xoldorova tayyorladi.