"Gazel" avtomobili 12 nafar yo‘lovchi bilan ag‘darilib ketgan
Kecha, 31 iyul kuni soat 11.40 da «102» raqamiga Toshkent shahri Yashnobod tumanidagi Ohangaron shossesida “Gazel” rusumli avtomobil (“Kichik taraqqiyot biznes” MChJga qarashli 99 marshrutka) yo‘l chetida turgan “Kamaz” rusumli yuk mashinasiga to‘qnashib ketgani haqida xabar kelib tushgan.
«Gazel» avtomobilining haydovchisi to‘qnashuvga qaramay harakatni davom ettiradi, natijada ikkinchi marta treyler bilan to‘qnash keladi va yonboshga ag‘darilib ketgan.
YTH oqibatida mikroavtobusda bo‘lgan 12 nafar yo‘lovchi va haydovchi jiddiy jarohat olgan va voqea joyiga tez yordam chaqirilgan.
Toshkent shahar ichki ishlar Bosh boshqarmasi xabariga ko‘ra, hozirda YTH sabablari aniqlanmoqda.
