Habib Nurmagomedov O‘zbekistonda o‘zining sport akademiyasini ochmoqchi
O‘zbekistonda 2020-2021 yillarda ilk bor global jangchilar chempionati o‘tkaziladi. Bu haqida UFC mutlaq chempioni Habib Nurmagomedov Sankt-Peterburgda bo‘lib o‘tgan Synergy Global Forumda ma’lum qildi.
“Biz O‘zbekiston hukumati ko‘magi bilan “Xumo arena”da ilk bor GFC 20 musobaqasini o‘tkazamiz. Rejaga ko‘ra, unda 7 nafar o‘zbekistonlik va 6 navar rossiyalik jangchilar ishtirok etadi”, - dedi Nurmagomedov.
Shuningdek, Habib O‘zbekistonda aralash yakkakurash san’atini (MMA) rivojlantirishga hissa qo‘shishni va Respublika hududida o‘zining sport akademiyasini ochishni ham rejalashtirgan.
