Haftaning ikkinchi yarmida havo salqinlashadi

O‘zgidromet xabariga ko‘ra, 6-7 sentyabr kunlari respublikada havo harorati +34...+39 daraja atrofida iliq va quruq ob-havo bo‘lishi kutilmoqda.

8 cyentyabrda respublika hududiga Volgabo‘yi hududlaridan salqin havo kirib keladi. 9-10 sentyabrda salqin havo massasi O‘zbekistonning barcha hududlarini qamrab oladi.

Respublika bo‘yicha asosan yog‘ingarchiliksiz ob-havo bo‘lishi kutilmoqda. 8 sentyabr, chorshanba kuni respublika hududining ko‘p qismida harorat +32...+37 daraja bo‘lgan iliq ob-havo saqlanib turadi, faqat shimoliy viloyatlarda harorat +25...+30 darajagacha pasayadi.

9-10 sentyabrda O‘zbekistonning barcha hududlarida havo harorati kechalari va erta tongda +12...+17 darajagacha, kunduz kunlari +23...+28 darajagacha pasayadi, bu o‘rtacha ko‘p yillik qiymatlardan 2-4 darajaga past.

8-10 sentyabrda havo massasining o‘zgarishi O‘zbekistonning ko‘pchilik viloyatlarida shamol tezligi 17-22 m/s.gacha kuchayishi bilan kuzatiladi.