Hindiston koronavirus qayd etilishi soni bo‘yicha to‘rtinchi o‘ringa ko‘tarildi
Hindistonda bir-kecha kunduzda 11,4 mingdan ortiq yangi koronavirus holati qayd etildi va kasallanganlarning umumiy soni 308916 nafarga yetdi. Bu haqda 13 iyun kuni Hindiston Sog‘liqni saqlash va oila osoyishtaligi vazirligi xabar berdi.
Shu tariqa, koronavirus holati qayd etilishi bo‘yicha Hindiston Buyuk Britaniyani ortda qoldirib (294402 nafar koronavirus holati) to‘rtinchi o‘ringa ko‘tarildi.
Mamlakat Sog‘liqni saqlash va oila osoyishtaligi vazirligi bergan ma’lumotga ko‘ra, ayni vaqtda mamlakatda 153224 nafar bemor davolanmoqda, 147194 bemor tuzalgan va 8498 nafar bemor vafot etgan.
