Hindistonda fil 16 kishini o‘ldirdi

Hindistonning Jarxand shtatida podadan ayrilgan fil ikki oy ichida 16 kishini o‘ldirdi, deb yozadi «Daily Mail».

"May va iyun oylarida fil bir qator hujum sodir etdi, - deyiladi xabarda. - So‘nggi hujum 22 iyun kuni sodir bo‘lgan, fil tong otarda qishloq ko‘chasiga chiqqan keksa er-xotinni o‘ldirgan".

Xabar berilishicha, jonivor uylarga bostirib kirmagan, faqat unga juda yaqin kelgan yoki yo‘lidan chiqqanlarga hujum qilgan.

Mahalliy o‘rmon xo‘jaligi xodimi Satish Chandra Ray odamlarga 15-16 yoshli katta fil hujum qilayotganini aytdi. "Ehtimol, jonivor fe’li ayniy boshlagan va u jangari xatti-harakatlari va erkak fillarga raqobati tufayli podadan chiqarib yuborildi", deydi Rai.

Filni qo‘lga olishning iloji bo‘lmayapti, ammo u birlashishga umid qilib, podasi ketidan ketayotgani aniq.