Humo to‘lov tizimida kuzatilayotgan muammolar yuzasidan bayonot berildi

Avvalroq bankomatlarda Humo plastik kartalaridan mablag‘ yechishda muammolar kuzatilayotgandi. So‘nggi kunlarda Humo kartalari orqali boshqa operatsiyalarda ham qiyinchilik kuzayotilayotgani haqida xabarlar tarqaldi.

Humo to‘lov tizimi rasmiy sahifasida holat yuzasidan bayonot e’lon qilindi:

“Hozirgi vaqtda to‘lov tizimi terminallarida to‘lovlarni amalga oshirishda qiyinchiliklar kuzatilmoqda. Yuzaga kelgan holat bo‘yicha choralar ko‘rilmoqda va yaqin orada barcha nosozliklar bartaraf etiladi.

Shu bilan birga eslatib o‘tamizki, mobil ilovalar va HUMO bankomatlari odatiy tartibda ishlamoqda. Yuzaga kelgan noqulayliklar uchun uzr so‘raymiz”, deyiladi rasmiy bayonotda.

Keyinroq esa tizimda kuzatilayotgan nosozliklar bartaraf etilgani e’lon qilindi.