Ijtimoiy tarmoqda “Erkin mostining tagida YTH” sarlavhasi ostida tarqalgan xabar yuzasidan ma’lumot berildi
Bugun, 22 iyul kuni soat 09:30 larda Toshkent shahar Sirg‘ali tumani, TXAY ko‘chasida “Damas” rusumli (haydovchining shaxsiga aniqlik kiritilmoqda) hamda haydovchi, 1998 yilda tug‘ilgan X.T. boshqaruvidagi “Neksiya” rusumli transport vositalari ishtirokida to‘qnashuv sodir bo‘lgan.
To‘qnashuv oqibatida “Damas” rusumli transport vositasi haydovchisi va ushbu avtomashinaning 2 nafar yo‘lovchilari tan jarohati olib shifoxonaga yotqizilgan.
IIV YHXBB axborot xizmati xabariga ko‘ra, mazkur YTH yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.
