Ishlab chiqarish korxonalarida ishchilarga qanday sharoitlar yaratilgan?
Oliy Majlis Senati raisining Samarqandga qilgan tashrifi Urgut tumanidagi korxonalar faoliyatini o‘rganish bilan davom etdi.
Dastlab tumandagi "YEC" gilam ishlab chiqarish korxonasi faoliyati bilan tanishildi. Korxonada 200 nafarga yaqin ishchi-xodim ishlaydi.
Ip yigiruv sexi, to‘quv binosi, ish yuritish ofislari, zamonaviy texnologiyalar bilan jihozlangan.
Zamonaviy korxona gilamlari bugun MDH davlatlari, Amerika va Saudiya Arabistoniga eksport qilinyapti.
Senat raisi Tanzila Norboyeva korxonadagi ishchi-xodimlar bilan uchrashdi. Ularga bu yerda yaratilgan shart-sharoitlarni so‘radi.
- Urgut tumani Sariqtepa mahallasida istiqomat qilaman, - deydi korxona ishchisi Sohila Gadoyeva. - Tumanning erkin iqtisodiy zonasida mana shunday korxona ochilgach, bu yerga ishga kirdim. Har kuni ishchilarni korxona avtoulovida olib keladi, tushlik beriladi, maoshim uch million so‘m. Qishloq ayollariga yaratilgan bunday sharoitdan mamnunman.
Shundan so‘ng tumandagi "IDEAL elektroleus" korxonasi faoliyati bilan tanishildi. Korxonada gaz plitasi, pishiriq pechi, changyutkich, kir yuvish mashinasi va muzlatkichlar ishlab chiqariladi. Ushbu korxona mahsulotlari Amerika, Yaponiya, Rossiya kabi davlatlarga eksport qilinadi.
