Isroil Rossiya va Eronning yadroviy hamkorligidan xavotirda

Isroilning yuqori darajali rasmiylari Rossiya va Eron o‘rtasida yadroviy sohadagi hamkorlik kuchayib borayotganidan xavotirda. Bu haqda Isroilning Haaretz nashri xabar bermoqda.

Nashrning eslatishicha, 21 noyabr kuni Isroil harbiy razvedkasi rahbari general-mayor Aaron Xaliva yadroviy qurol yaratish uchun Eron uranni 90 foizgacha boyitish dasturini qayta boshlashi mumkinligini aytgandi. Ertasi kuni Tehron Fardodagi yadroviy inshootda uranni 60 foizgacha boyitish dasturini qayta boshlagani ma’lum bo‘ldi.

Qayd etilishicha, Isroil Eron va Rossiya o‘rtasidagi yaqinlashuv Tehronning yadroviy qurol yaratishda qo‘llarini bo‘shatganidan xavotirda, buni uran boyitish haqidagi xabarlar tasdiqlaydi. Ta’kidlashicha, bu holat Qo‘shma keng qamrovli harakatlar rejasi (SVDP) doirasida Yevropa va Qo‘shma Shtatlar bilan yadroviy dastur bo‘yicha yangi kelishuvni imzolash imkoniyatini "deyarli nolga" aylantiradi. Uning ta’kidlashicha, Rossiya dastlab Eronning uranni boyitish jarayonini nazorat qilishni o‘z zimmasiga olgan bo‘lsa-da, aslida bunga rioya etilmayapti.

Isroil mudofaa vaziri Benni Gans Eronning Fardo va Natanzdagi ob’yektlarida yadro sentrifugalari soni ikki barobarga ko‘payganini ma’lum qildi. Uning so‘zlariga ko‘ra, bu mamlakatga uranni qurol darajasida boyitishda davom etish imkonini beradi. Harbiy, shuningdek, yadroviy tadqiqotlar rasman olib borilmayotgan Eron ob’yektlarida topilgan uran izlarini MAGATE o‘rganishiga chaqirdi. BMT Xavfsizlik Kengashining sentyabr oyida bo‘lib o‘tgan brifingida u kengash a’zolarini Eronning harbiy salohiyati o‘sishiga yo‘l qo‘ymaslikka chaqirdi va “hoziroq harakat zarur”ligini ta’kidladi.

Qator G‘arb OAVlari Eron hozirda Ukrainadagi jangovar harakatlar uchun Rossiyaga uchuvchisiz uchuv apparatlari yetkazib berayotganini da’vo qilmoqda. Moskva buni rad etadi. Eron tashqi ishlar vaziri Husayn Amir Abdullohiyning aytishicha, yetkazib berish bo‘lgan, biroq Ukrainada maxsus operatsiya boshlanishidan bir necha oy oldin.