Istanbulda gilamga o‘ralgan ayolning jasadi o‘zbek pasportlari bilan topilgan
Joriy yilning 30 may kuni Istanbul shahrining Go‘ztepa mahallasida gilamga o‘ralgan ayol jasadi topilgan, deb xabar bermoqda TIV matbuot xizmati.
Ma’lum qilinishicha, ayolning shaxsini aniqlab bo‘lmagan.
“Voqea joyidan ichida 3 nafar O‘zbekiston fuqarolariga tegishli hujjatlar bo‘lgan qora ayollar sumkasi topilgan”, - deyiladi xabarda.
Bosh konsulxona mazkur holat yuzasidan tekshiruv olib borayotgan jinoyat-qidiruv bo‘limi xodimlari bilan aloqalar o‘rnatgan va ularni o‘zbekistonlik hamkasblari bilan hamkorlik o‘rnatishiga yordam beradi.
